睇到咁瘋狂既題目都知唔係好野
話說摩摩呢個星期都KEEP住低燒(即37 - 38度)
之前有問過些媽媽朋友說 未過39度都唔洗睇醫生
咁呢個星期都係一發現摩摩有燒就同佢沖涼 再高燒到過左38.5度就食退燒藥
向星期六凌晨兩點(我已經訓左覺) 摩摩爸幫摩摩探熱 一採之下 什麼 ?!!? 39.8度
老公即係叫醒我 即刻飛的去港安醫院 幸好有房 可以安排上房觀察
上到房已經五點鐘 姑娘叫我即刻同摩摩沖涼 要貼尿袋驗小便
又要幫佢種豆吊鹽水 呢PART真係喊屎我 姑娘們禁住佢幫佢種豆
摩摩又眼訓又辛苦喊到前所未有咁大聲
一抱番出黎上到床 唔洗五分鐘就訓左
向醫院可以一位家長陪訓 但得一張床 而摩摩又大字形訓
我就只可以趴向床邊訓 訓唔到十分鐘又醒一醒睇下個女
如是者已經早上八點 姑娘一小時會黎探熱一次
到下午一點左右醫生黎巡房 話雖然已經退左燒 但都係隱陣起建觀察多一晚
到呢個時侯 橙媽媽已經無訓十多小時 呢個星期六一整日又紅雨又黃雨
好在媽咪同老公咁大雨都黎幫幫手 我即刻補一補眠 因為陌生床同埋下午又嘈 都係訓唔好
到十點左右摩爸爸就返屋企 橙媽繼續留守
但今日既戲肉就係呢個時侯黎料
轉身飲杯水再望一望摩摩 大佬..嚇死我啦 佢成口血呀
即刻叫姑娘 原來佢咬甩左粒豆 成手都流血 仲要咬 哎呀~~激死我啦
結果姑娘們要幫佢拔走唔可以再吊 因為佢實在太扭好難搵血管再打
整好之後 終於諗住有教好訓 誰不知隔離床個小朋友扭左成個鐘頭計
結果又係訓下醒下咁過左一晚
呢兩日兩夜真係攞我命三千
求神拜佛唔該發燒呢個麻煩友唔好再黎攪我摩摩
星期日下午出院返屋企即刻沖涼大教訓
唉~~ 真係一個大教訓
